पत्त्यातल्या राजाची गोष्ट

पत्त्यामधले राजा राणी
आयुष्याचा खेळ
मजेत खेळत असतात

कधीतरी काय होतं,
राजा हरवतो...
मग कुठल्यातरी पत्त्याला राजा बनवलं जातं
पण राणीला तो खोटा राजा नाही आवडत...
ती खेळ खेळत राहते
मजेत...
पण... गुलामासोबत...

आणि कधीतरी...
राजा नाही, राणी हरवते
पून्हा कुठल्यातरी
दूरी नाहीतर तीरीला
राणी बनवलं जातं
राजालाही ते नाही आवडत...
पण राणीसारखा त्याला
दूसरा पर्याय नसतो...
त्याला त्याच खोट्या राणीसोबत
खेळत रहावं लागतं

मग चौकट असो, किलवर असो
इस्पिक अथवा बदाम
राजा राहतो जगत उदास उदास...
पत्त्यांच्या एका कोपर्‍यात...
स्वतःच हरवेपर्यंत !

जगदिश